декември 1, 2025

Недела на борба против ХИВ/СИДА, 1-7 декември 2025

Црвен крст на Република Македонија во периодот од 1 до 7 декември 2025 година, согласно календарот за традиционални активности ја одбележува Неделата на борба против ХИВ/СИДА под мотото Едуцирај се, превенирај ХИВ/СИДА.

Хив е вирус кој предизвикува хумана имунодефициенција. Присуството на ХИВ виросот во човечкиот организам доведува до уништување на одбрамбената способност (имунитетот), поради што организмот станува неспособен да се брани од различни болести и инфекции. Според сознанијата на Светската здравствена организација, ХИВ останува главен јавно здравствен проблем кој погодува повеќе од 2 милиони луѓе во Европскиот регион на СЗО, додека во светски рамки 37.700.000 возрасни и деца се инфицирани со ХИВ.

Синдромот на стекнат имунолошки дефицит или познат по француската кратенка СИДА е болест која претставува последен стадиум на ХИВ вирусот кој се карактеризира со прогресивно слабеење на имунолошкиот систем со што пациентите се подложени на голем број инфекции и тумори.

Најчести симптоми се губење на телесна тежина, потење,малаксалост, габични инфекции,модринки по тело, исип, пролив, отечени лимфни жлезди, грозница. Често се манифестира и со појава на инфекции на белите дробови, појава на туберкулоза или малигни заболувања и завршува со смртен исход.

Се пренесува преку: крв, крвни продукти и секрети заразени со вирусот, сексуален контакт без заштита (кондом), пренесување на болеста од ХИВ позитивна мајка на дете.

Не се пренесува преку: гушкање, ракување, бакнување (ако заразениот нема ранички во устата), кашлање и кивање; со користење на јавни говорници, јавни тоалети, базени; со дружење, спортување и работење со ХИВ инфицирано лице; преку облека, храна подготвена од ХИВ инфицирано лице; преку комарци и други инсекти.

Најголем дел од луѓето, кои се ХИВ позитивни, живеат без да се свесни за инфекцијата подолг временски период, којшто може да трае и неколку години, односно инфекцијата во тој период не пројавува никакви препознатливи симптоми. 30-50% од 2,3 милиони лица што живеат со ХИВ во Европа не се свесни дека се ХИВ позитивни, а 50% од оние што се позитивни доцна се дијагностицираат, со што се доцни со пристапот кон третман. Затоа е потребно навремено тестирање за ХИВ за навремено да се отпочне со терапија, доколку лицето е ХИВ позитивно.

Доколку навремено се открие ХИВ, со денешната терапија за ХИВ т.н. антиретровирусна терапија се живее квалитетно и долго. Потребно е само да се зема редовно. Оваа терапија ја има кај нас и е бесплатна за сите пациенти.

ПРЕВЕНЦИЈА

Заштитен сексуален однос (кондом)
Избегнувајте користење на исти игли при конзумирање на психотропни супстанци
Избегнувајте често менување партнери без соодветна заштита
Избегнувајте користење медицински услуги во несоодветни услови (нестирилизирани инструменти)

СЕКСУАЛНО ПРЕНОСЛИВИ ИНФЕКЦИИ: